کراچی:نارتھ ناظم آباد میں ٹرک کی ٹکر سے فوڈ ڈیلیوری رائیڈر جاں بحق

کراچی: نارتھ ناظم آباد کے علاقے لنڈی کوتل چورنگی کے قریب ٹرک کی ٹکر سے فوڈ ڈیلیوری بوائے جاں بحق ہوگیا۔

پولیس کے مطابق جاں بحق نوجوان کی شناخت ناظم آباد کے رہائشی بابر کے نام سے ہوئی، جو فوڈ ڈیلیوری کا کام کرتا تھا۔ عینی شاہدین کے مطابق بابر موٹر سائیکل پر سوار تھا اور موبائل فون استعمال کرتے ہوئے جا رہا تھا کہ ٹرک کے پچھلے ٹائر کی زد میں آکر موقع پر ہی جاں بحق ہوگیا۔

پولیس نے ٹرک ڈرائیور کو گرفتار کرلیا اور ٹرک کو تحویل میں لے لیا ہے۔ بابر کے پڑوسی کے مطابق وہ دن میں چپس کا ٹھیلہ لگاتا اور رات میں فوڈ رائیڈر کے طور پر کام کرتا تھا۔

دوسری جانب عزیز آباد میں موبائل شاپ پر فائرنگ سے ایک شخص جاں بحق ہوگیا۔ پولیس کے مطابق ابتدائی تحقیقات میں واقعہ ٹارگٹ کلنگ معلوم ہوتا ہے، تاہم مختلف پہلوؤں سے تفتیش جاری ہے۔

یہ خبر کاپی رائٹ فری ہے اور آزادانہ استعمال کے لیے دستیاب ہے۔