لکی مروت: نامعلوم فائرنگ سے دو بھائی جاں بحق

 

لکی مروت: ضلع لکی مروت میں خان کوٹ قبرستان کے قریب نامعلوم موٹر سائیکل سواروں کی فائرنگ سے دو بھائی جاں بحق ہوگئے۔

پولیس کے مطابق جاں بحق ہونے والے بھائی اکبر علی خان اور ارشاد علی خان تھے۔ حملہ آور واردات کے بعد موٹر سائیکلوں پر فرار ہوگئے۔ دونوں افراد کی لاشیں ڈسٹرکٹ ہیڈ کوارٹر ہسپتال منتقل کر دی گئی ہیں۔

ابتدائی تحقیقات کے مطابق واقعہ پرانی دشمنی کا شاخسانہ معلوم ہوتا ہے۔ تھانہ غزنی خیل پولیس نے مدعی کی رپورٹ پر نامعلوم ملزمان کے خلاف مقدمہ درج کر کے تفتیش شروع کر دی ہے۔