وزیراعلیٰ خیبرپختونخوا کا 9 مئی کو ریڈیو پاکستان پر حملے کی تحقیقات کے لیے انکوائری کمیشن کا اعلان

پشاور: وزیراعلیٰ خیبر پختونخوا سہیل آفریدی کی زیر صدارت صوبائی کابینہ کا اجلاس،  اپنی حکومت کی پالیسی گائیڈ لائنز وضع کر دیں۔

وزیراعلیٰ سہیل آفریدی کا کہنا ہے سیاسی اختلافات اپنی جگہ لیکن امن ہم سب کا مشترکہ ہدف ہے۔ صوبائی اسمبلی کی تمام قراردادوں پر مکمل عملدرآمد کیا جائے گا۔ سب سے اہم قرارداد ’’ایکشن اِن ایڈ آف سول پاورز‘‘ کے خاتمے سے متعلق ہے جو بنیادی انسانی حقوق کے منافی ہے۔

وزیراعلیٰ خیبرپختونخوا کا ریڈیو پاکستان پر 9 مئی حملے کی تحقیقات کے لیے انکوائری کمیشن قائم کرنے کا اعلان، کہا  کمیشن تمام شواہد، بشمول سی سی ٹی وی فوٹیج، جمع کر کے اپنی رپورٹ کابینہ کو پیش کرے گی۔

سہیل آفریدی نے کہا سود سے پاک خیبرپختونخوا موجودہ حکومت کی اولین ترجیحات میں شامل ہے۔ ہم خیبرپختونخوا کو سود کے ناسور سے پاک کرینے کے لیے پالیسی بنا رہے ہیں اور اسلامک انوسٹمنت متعارف کروائیں گے۔

انھوں نے کہاکہ صوبائی اسمبلی کی متفقہ قرارداد ہے کہ بانی چیئرمین عمران خان اور ان کی اہلیہ بشریٰ بی بی کے ساتھ جیل میں ناروا سلوک ہو رہا ہے۔ 4.5 کروڑ عوام کے منتخب وزیر اعلیٰ کو اپنے بانی چیئرمین سے ملاقات کی اجازت نہیں دی جا رہی۔  میں عمران خان سے ملاقات کر کے پالیسی گائیڈلائنز لینا چاہتا ہوں۔