وفاقی آئینی عدالت کے چیف جسٹس کاپہلا انتظامی حکم جاری

اسلام آباد: وفاقی آئینی عدالت کے چیف جسٹس امین الدین خان نے اپنا پہلا انتظامی حکم جاری کر دیا ہے۔

حکم کے مطابق سابق ڈسٹرکٹ اینڈ سیشن جج محمد حفیظ کو وفاقی آئینی عدالت کا رجسٹرار مقرر کیا گیا ہے، جبکہ مظہر بھٹی کو چیف جسٹس کے سیکرٹری کے عہدے پر تعینات کیا گیا ہے۔

چیف جسٹس کی منظوری کے بعد رجسٹرار کے تقرر کا نوٹیفکیشن بھی جاری کر دیا گیا ہے، جس کے تحت محمد حفیظ اللہ وفاقی آئینی عدالت کے پہلے رجسٹرار بن گئے ہیں۔