صدرِ مملکت نے تینوں مسلح افواج کے ترمیمی بلز منظور کر دیے

اسلام آباد: صدرِ مملکت آصف علی زرداری نے پاکستان آرمی، پاکستان ایئر فورس اور پاکستان نیوی سے متعلق ترمیمی بلز 2025 کی منظوری دے دی۔ ایوانِ صدر کے مطابق منظوری کے بعد یہ تینوں بل آئین کا حصہ بن گئے ہیں۔ترمیمی قوانین میں مسلح افواج سے متعلق مختلف قانونی شقوں میں اصلاحات اور ضروری ترامیم شامل کی گئی ہیں۔ قانونی ماہرین کا کہنا ہے کہ یہ قواعد منظوری کے ساتھ ہی نافذ ہوگئے ہیں، جس سے فوج، فضائیہ اور بحریہ کے انتظامی و آئینی ڈھانچے میں مزید وضاحت اور قانونی مضبوطی پیدا ہوگئی ہے۔