پنجاب کی 27 شوگر ملوں نے کرشنگ کا آغاز کر دیا

لاہور: پنجاب میں کرشنگ شروع نہ کرنے والی شوگر ملوں کے خلاف حکومتی کارروائی کے اعلان کے بعد نصف سے زائد ملوں نے کرشنگ کا آغاز کر دیا ہے۔

کین کمشنر پنجاب کے مطابق صوبے کی 27 شوگر ملوں نے کرشنگ شروع کر دی ہے، جبکہ باقی 14 ملوں کا آج چیک اپ کر کے کارروائی کی جائے گی۔ کرشنگ نہ کرنے والی ملوں کو یومیہ 10 لاکھ روپے جرمانہ عائد کیا جائے گا۔

کین کمشنر نے بتایا کہ کرشنگ سیزن میں مانیٹرنگ کے لیے ٹیمیں تشکیل دی گئی ہیں اور کسانوں کو گنے کی بروقت ادائیگی کو یقینی بنایا جائے گا۔ نئی چینی کی سپلائی کے ساتھ بازار میں قیمتوں میں بھی کمی متوقع ہے۔