آزاد کشمیر حکومت پی پی کی جھولی میں ڈال دی جائے گی،لیاقت بلوچ

اسلام آباد: جماعت اسلامی پاکستان کے نائب امیر لیاقت بلوچ نے کہا ہے کہ 27ویں آئینی ترمیم کے بعد تحفتاً آزاد کشمیر کی حکومت پیپلز پارٹی کی جھولی میں ڈال دی جائے گی۔

ایک بیان میں انہوں نے مزید کہا کہ بانی پی ٹی آئی کو بھی قومی قیادت کے خلاف دل آزار باتیں کام نہیں آئیں، موجودہ حکمرانوں پر بھی یہی بات لاگو ہوگی۔

لیاقت بلوچ نے بتایا کہ جماعت اسلامی کے اجتماع عام کی تیاریوں کی فل ڈریس ریہرسل آج ہوگی۔

واضح رہے کہ جماعت اسلامی کا کل پاکستان اجتماع عام 21 تا 23 نومبر کو لاہور میں منعقد ہوگا۔