انتخابی ضابطہ خلاف ورزی:طلال چوہدری کو نوٹس جاری

انتخابی ضابطہ اخلاق کی خلاف ورزی پر وزیرِ مملکت برائے داخلہ طلال چوہدری کو باقاعدہ نوٹس جاری کر دیا گیا ہے۔ فیصل آباد کے ڈسٹرکٹ مانیٹرنگ آفیسر نے یہ نوٹس حلقہ پی پی 116 کے دورے اور میڈیا سے گفتگو کرنے پر جاری کیا ہے اور دو دن میں جواب جمع کروانے کی ہدایت کی ہے۔

مانیٹرنگ آفیسر کے مطابق حلقہ پی پی 116 میں 23 نومبر کو ضمنی انتخاب ہونا ہے۔ نوٹس میں بتایا گیا ہے کہ طلال چوہدری نے انتخاب سے قبل حلقے کا دورہ کیا اور میڈیا سے بات چیت کی، جس کی کوریج مختلف ٹی وی چینلز پر نشر ہوئی۔ الیکشن ایکٹ 2017 کے تحت اسے ضابطہ اخلاق کی خلاف ورزی قرار دیا گیا ہے۔

طلال چوہدری کو ہدایت دی گئی ہے کہ وہ نوٹس کا تحریری جواب دو روز کے اندر جمع کروائیں۔