اپوزیشن اتحاد کا آئین کی بحالی کی تحریک شروع کرنے کا اعلان

اسلام آباد: اپوزیشن اتحاد نے آج سے آئین کی بحالی کے لیے تحریک شروع کرنے کا اعلان کیا ہے اور پارلیمنٹ سے سپریم کورٹ تک واک نکالنے کا پروگرام بنایا ہے۔

پی ٹی آئی رہنما اسد قیصر نے کہا کہ امن و امان قائم رکھنا سکیورٹی اداروں اور حکومت کی ذمہ داری ہے، تاہم حکومت مخالفین کے خلاف کیسز بنانے اور ناجائز آئینی ترامیم کرنے میں مصروف ہے۔

مجلس وحدت المسلمین کے علامہ راجا ناصر عباس نے کہا کہ ملک میں باہر نکلنے کا وقت آ گیا ہے تاکہ آئندہ نسلوں کو محفوظ بنایا جا سکے۔

دوسری جانب لاہور ہائیکورٹ بار کے جنرل ہاؤس میں وکلا نے اجلاس اور احتجاج کیا، جس کے دوران ریلی نکالی گئی اور 27 ویں ترمیم کے خلاف نعرے بھی لگائے گئے۔ وکلا نے جی پی او چوک سے ججز گیٹ اشارے تک ریلی نکالی۔ اس موقع پر سلمان اکرم راجا نے کہا کہ ہمیں اپنی نسلوں کے لیے اٹھنا ہوگا اور گھروں میں نہیں بیٹھ سکتے۔