آئندہ ماہ بجلی کی قیمت میں 65 پیسے فی یونٹ کمی کا امکان

بجلی صارفین کے لیے اچھی خبر ہے کہ آئندہ ماہ بجلی کی قیمتوں میں کمی کا امکان ہے۔ سینٹرل پاور پرچیزنگ ایجنسی (CPPA) نے نیپرا کو بجلی کی قیمت میں 65 پیسے فی یونٹ کمی کی درخواست جمع کروا دی ہے، جو ماہانہ فیول ایڈجسٹمنٹ کی مد میں اکتوبر کے مہینے کے لیے کی گئی ہے۔ نیشنل الیکٹرک پاور ریگولیٹری اتھارٹی (NEPRA) اس درخواست پر 27 نومبر کو سماعت کرے گی، جس میں قیمتوں میں کمی سے متعلق حتمی فیصلہ کیا جائے گا۔ توانائی حکام کے مطابق اگر CPPA کی درخواست منظور ہو گئی تو صارفین کو آئندہ ماہ بجلی بلوں میں ریلیف مل سکتا ہے۔