عمران خان سے ملاقات کی اجازت سب کو دینی چاہیے،شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ سب کو بانی پاکستان تحریک انصاف عمران خان سے ملاقات کی اجازت دینی چاہیے۔ انسداد دہشت گردی عدالت کے باہر میڈیا سے گفتگو کرتے ہوئے انہوں نے کہا کہ جیل میں ملاقات کی اجازت سے کیا فرق پڑے گا، عوام پہلے ہی غربت اور مہنگائی میں پسے ہوئے ہیں، ملک میں بہتری کے حالات پیدا کرنے کی ضرورت ہے۔

شیخ رشید نے 9 مئی کے مقدمات سے متعلق کہا کہ میں اس وقت بیرون ملک تھا اور میرے خلاف کیسز ہیں۔ انہوں نے مزید کہا کہ چالیس چالیس سال کی سزائیں ہوئی ہیں اور میرے بھتیجے راشد شفیق کو بھی چالیس سال کی سزا ہوئی، لہٰذا ملک کو بہتری کی طرف لے جانا چاہیے۔