اسلام آباد:ڈی جی آئی ایس پی آر کا قائداعظم یونیورسٹی کا دورہ

 

اسلام آباد: ڈی جی آئی ایس پی آر لیفٹیننٹ جنرل احمد شریف چوہدری نے قائداعظم یونیورسٹی کا دورہ کیا اور طلبہ و اساتذہ کے ساتھ خصوصی نشست میں شرکت کی۔

اس نشست میں ڈی جی آئی ایس پی آر نے ملکی داخلی صورتحال، دفاعی امور اور پاک فوج کے پیشہ ورانہ کردار پر تفصیلی گفتگو کی۔ انہوں نے طلبہ کو سوشل میڈیا پروپیگنڈا اور حقائق کے فرق سے متعلق آگاہ کیا۔

وائس چانسلر قائداعظم یونیورسٹی نے ڈی جی آئی ایس پی آر کے بھارت کے حوالے سے بیان کو سراہا اور کہا کہ افواج پاکستان نے بھارتی ٹیکنالوجی کو شکست دے کر حقیقت ثابت کی۔

طلبہ و اساتذہ نے سیشن کو انتہائی مؤثر قرار دیا اور کہا کہ اس نے ان کے کئی ابہامات دور کر دیے۔ طلبہ نے پاکستانی ہونے اور پاک فوج کی حمایت کا اعادہ کیا اور ڈی جی آئی ایس پی آر کا مس انفارمیشن سے متعلق سوالات کے مدلل جوابات دینے پر شکریہ ادا کیا۔