کراچی سے28 برس قبل چوری شدہ کار کاای چالان موصول

 کراچی: شہر کے ایک فائیو اسٹار ہوٹل کو 28 سال قبل چوری ہونے والی کار کا 10 ہزار روپے کا ای چالان موصول ہوا ہے۔

ہوٹل کی ملکیت میں موجود کار نمبر AAR-540 مئی 1997 میں شاہراہ فیصل کے قریب فیاض سینٹر کے کار پارک سے چوری ہو گئی تھی۔ ایف آئی آر 122/97 صدر تھانے میں ہوٹل کے ملازم زاہد کی مدعیت میں 22 مئی 1997 کو درج کرائی گئی تھی۔

پولیس گزشتہ 28 سال میں مسروقہ گاڑی کو اب تک برآمد نہ کر سکی، تاہم گزشتہ ہفتے ہوٹل انتظامیہ کو ٹریفک قوانین کی خلاف ورزی کے الزام میں گاڑی کی نمبر پلیٹ پر 10 ہزار روپے کا ای چالان بھیجا گیا۔

ہوٹل انتظامیہ نے جرمانہ ادا کرنے کی آمادگی ظاہر کی ہے، مگر شرط رکھی ہے کہ پہلے کراچی پولیس مسروقہ گاڑی کو برآمد کرے۔