اسلام آباد، راولپنڈی میں یکساں اوقاتِ اذان ونماز کا نظام نافذ

 

اسلام آباد اور راولپنڈی کی تمام مساجد میں اب یکساں اوقات میں اذان اور باجماعت نماز ادا کی جائے گی۔ وفاقی وزارت مذہبی امور کے اجلاس میں علما کرام نے جڑواں شہروں کے لیے نظام صلوٰۃ نافذ کرنے اور خطبات جمعہ کے موضوعات تیار کرنے پر اتفاق کیا۔

خطبات جمعہ اتحاد امت، معاشرتی اصلاح اور نوجوانوں کی رہنمائی پر ہوں گے۔ مساجد کے انتظام، انصرام اور سکیورٹی کے حوالے سے سفارشات بھی تیار کی جائیں گی، جن پر عملدرآمد کی نگرانی وزارت مذہبی امور کرے گی۔ نظام صلوٰۃ کو مؤثر بنانے کے لیے قانون سازی کا فیصلہ بھی کیا گیا ہے۔