کراچی:ڈمپر جلانے کے مقدمے میں آفاق احمد بری

کراچی کی انسداد دہشت گردی عدالت نے مہاجر قومی موومنٹ کے چیئرمین آفاق احمد کو ڈمپر جلانے اور اشتعال انگیزی کے مقدمے سے بری کر دیا۔ مقدمہ لانڈھی پولیس نے درج کیا تھا۔

واضح رہے کہ رواں سال کے آغاز میں شہر میں بڑھتے ہوئے ٹرک اور ڈمپر حادثات کے بعد کئی ڈمپرز اور ٹرک جلانے کے واقعات پیش آئے تھے۔ اس سلسلے میں آفاق احمد کے بیانات پر مقدمہ درج کیا گیا اور انہیں گرفتار بھی کیا گیا تھا، تاہم عدالت نے انہیں مکمل طور پر بری کر دیا۔