ضابطۂ اخلاق کی خلاف ورزی پر رانا ثنا اللّٰہ کو نوٹس جاری

فیصل آباد: الیکشن کمیشن آف پاکستان کے ڈی آر او نے ضابطۂ اخلاق کی خلاف ورزی پر وزیرِ اعظم کے مشیر برائے سیاسی امور سینیٹر رانا ثناء اللّٰہ کو نوٹس جاری کر دیا۔

نوٹس میں کہا گیا ہے کہ رانا ثناء اللّٰہ نے پی پی 116 میں رانا شہریار کی ریلی میں شرکت کی اور خطاب کیا۔

ڈسٹرکٹ مانیٹرنگ آفیسرنے ضابطہ اخلاق کی خلاف ورزی پر سینیٹر رانا ثنا اللہ کو کل 22 نومبر کو وضاحت کیلئے طلب کیا ہے۔

اس سے قبل الیکشن کمیشن آف پاکستان نے ضابطۂ اخلاق اور الیکشن ایکٹ کی خلاف ورزی پر وزیرِ اعلیٰ خیبر پختون خوا سہیل آفریدی اور وزیرِ مملکت برائے داخلہ طلال چوہدری کو بھی نوٹس جاری کیے تھے۔