بلوچستان میں ٹرین سروس بحال، جعفر ایکسپریس اور بولان میل روانہ

 

کوئٹہ: ایک دن کی بندش کے بعد بلوچستان سے ٹرین سروس بحال کر دی گئی ہے۔

ریلوے حکام کے مطابق گزشتہ روز ٹرین سروس ایک دن کے لیے معطل کی گئی تھی، تاہم آج پشاور اور کراچی کے لیے جعفر ایکسپریس اور بولان میل سبی سے روانہ ہوں گی۔

حکام نے بتایا کہ دونوں ٹرینوں کے مسافر چمن ٹرین کی بوگیوں میں سبی پہنچائے جائیں گے، جہاں سے وہ اپنی منزل کی جانب روانہ ہوں گے۔

ریلوے حکام نے مسافروں سے کہا ہے کہ وہ بروقت اسٹیشن پہنچیں اور ٹرین کے شیڈول کے مطابق سفری انتظامات کریں۔