ضمنی الیکشن میں شاندار کامیابی پرمریم نوازکا اظہار تشکر

 

لاہور: وزیر اعلیٰ پنجاب مریم نواز شریف نے حالیہ ضمنی انتخابات میں مسلم لیگ (ن) کی شاندار کامیابی پر اظہار تشکر کیا ہے۔ انہوں نے کامیاب ارکان قومی اور صوبائی اسمبلی کو مبارک باد پیش کی اور نیک تمناوں کا اظہار کیا۔

مریم نواز شریف نے کہا کہ الحمدُللہ، پاکستان کی خدمت کرنے والوں کو عوام نے دوبارہ سرخرو کر دیا۔ انہوں نے کہا کہ نفرت، فتنہ اور فساد کا باب ختم ہو چکا ہے اور خدمت اور ترقی کا نیا عہد شروع ہو گیا ہے۔ وقت بدل گیا ہے، عوامی ترجیح بدل گئی ہے اور پاکستان آگے بڑھ چکا ہے۔ اب خدمت کو مینڈیٹ ملے گا۔

وزیر اعلیٰ پنجاب نے مزید کہا کہ مسلم لیگ (ن) کی واضح جیت عوام کی جانب سے ترقی کے سفر کو مزید تیزی سے آگے بڑھانے کا پیغام ہے۔ انہوں نے کہا کہ عوام کا دو ٹوک فیصلہ ہے کہ جو کام کرے گا، وہی ووٹ لے گا۔ بیلٹ باکس سے بھی یہ پیغام ملا ہے کہ پاکستان کو فتنہ اور فساد نہیں بلکہ شاندار مستقبل چاہیے۔