اسلام آباد:مساج سینٹر میں لڑکی پر مبینہ تشدد اور بلیک میلنگ کا انکشاف

اسلام آباد(اُمت نیوز)تھانہ لوئی بھیر کے علاقے میں مساج سینٹر پر لڑکی پر مبینہ تشدد اور بلیک میلنگ کا سنگین واقعہ سامنے آگیا

 

اسلام آباد کے تھانہ لوئی بھیر کے علاقے میں حوا کی ایک اور بیٹی پر مبینہ تشدد، بلیک میلنگ اور بال کاٹنے کا افسوسناک واقعہ سامنے آیا ہے۔ اطلاعات کے مطابق ایک مقامی مساج سینٹر "SK” میں کام کرنے والی نوجوان لڑکی کو اس وقت مبینہ طور پر شدید تشدد کا نشانہ بنایا گیا جب اس نے گاہکوں سے ناجائز تعلقات قائم کرنے سے انکار کیا۔

 

مبینہ طور پر مساج سینٹر کے مالکان اور بااثر افراد صبی، دلویز اور ارمان خان نے لڑکی پر تشدد کیا، اسے گالی گلوچ کی، اس کے بال کاٹ کر گنجا کیا اور واقعے کی ویڈیو بنا کر اسے بلیک میل کرنے کی دھمکیاں دیں۔

🚨اسلام آباد میں نوجوان لڑکی پر تشدد اور بال کاٹنے کے افسوسناک واقعہ کے بعد متاثرہ لڑکی کاویڈیو بیان سامنے آگیا ۔۔ ایمان نام کی لڑکی سے ڈیڑھ مہینے پہلے واقعہ پیش ایا ہے۔ pic.twitter.com/UXid6j0e7m

— Mehwish Qamas Khan (@MehwishQamas) November 24, 2025

علاقہ مکینوں کے مطابق واقعہ سامنے آنے پر تھانہ لوئی بھیر پولیس نے ملزمان کو عارضی طور پر حراست میں لیا، مگر مبینہ طور پر ایک لاکھ روپے رشوت لے کر انہیں چھوڑ دیا گیا، جس پر شہریوں نے شدید تحفظات کا اظہار کیا ہے۔

 

 

پولیس حکام نے مؤقف دیا ہے کہ معاملے کی چھان بین جاری ہے اور آئین و قانون کے مطابق کارروائی کی جائے گی۔