سندھ پربھارتی وزیردفاع کا بیان،وزیراعلیٰ سندھ مراد علی شاہ کا ردعمل سامنے آگیا

سندھ کے وزیراعلیٰ مراد علی شاہ نے صوبہ سندھ سے متعلق بھارتی وزیردفاع کے شرانگیز بیان پر اپنے ردعمل کا اظہار کیا ہے۔ اے آر وائی نیوز کے مطابق وزیراعلیٰ سندھ مراد علی شاہ نے کہا کہ بھارتی وزیردفاع تاریخ سے ناواقف ہیں، سندھ پر بھارتی وزیردفاع کا بیان سفارتی طور پر غیرذمہ دارانہ ہے، بھارتی وزیردفاع اپنی داخلی تقسیم پرتوجہ دیں۔ مراد علی شاہ نے کہا کہ بھارتی وزیردفاع ہمارے متعلق دن میں خواب دیکھنا چھوڑ دیں، سندھ نے قیام پاکستان سے بھی پہلے 1936 میں بمبئی پریذیڈنسی سے علیحدگی اختیار کی۔ انھوں نے کہا کہ سندھ کےعوام نے خودمختاری، وقار اور اپنی سیاسی شناخت کو ترجیح دی، سندھ پاکستان کا اٹوٹ انگ اور ناقابل تقسیم حصہ ہے۔ وزیراعلیٰ سندھ مرادعلی شاہ کا مزید کہنا تھا کہ سندھ کل بھی پاکستان کا حصہ تھا، آج بھی ہے اور انشااللہ ہمیشہ پاکستان کا حصہ رہےگا۔ بھارتی وزیر دفاع کے سندھ سے متعلق متنازع بیان پر پاکستان کا شدید ردعمل اے آر وائی نیوز کی ڈیجیٹل ڈیسک کی جانب سے شائع کی گئی خبریں

‘دن میں خواب دیکھنا چھوڑ دیں’، وزیراعلیٰ سندھ کا سندھ سے متعلق بھارتی وزیر دفاع کے بیان پر سخت ردعمل

وزیراعلیٰ سندھ  مراد  علی شاہ کا سندھ کے بارے میں  بھارتی  وزیر دفاع  کے بیان  پر سخت ردعمل  سامنے آگیا۔ سوشل میڈیا پر  بھارتی وزیر دفاع کو جواب دیتے ہوئے  وزیراعلیٰ سندھ مراد علی شاہ کا کہنا تھا کہ بھارتی وزیر دفاع تاریخ سے ناواقف ہیں، سندھ پر  بھارتی  وزیردفاع کا بیان سفارتی طور  پر غیرذمہ دارانہ ہے۔ وزیراعلیٰ سندھ کا کہنا تھا کہ  بھارتی وزیر دفاع اپنی داخلی تقسیم پر توجہ دیں، ہمارے متعلق دن میں خواب دیکھنا چھوڑ دیں۔ ان کا کہنا تھا کہ  سندھ نے قیام پاکستان سے بھی پہلے 1936 میں بمبئی پریذیڈنسی سے علیحدگی اختیار کی تھی اور  سندھ کے عوام نے اپنی خودمختاری، وقار   اور  اپنی سیاسی شناخت کو ترجیح دی تھی۔ وزیراعلیٰ سندھ کا مزید کہنا تھا کہ  سندھ پاکستان کا اٹوٹ انگ اور ناقابل تقسیم حصہ ہے، سندھ کل بھی پاکستان کا حصہ تھا، آج بھی ہے اور ہمیشہ پاکستان کا حصہ رہےگا۔