کراچی چڑیا گھر میں شیرنی نے تین بچوں کو جنم دیا

کراچی: کراچی چڑیا گھر میں 16 نومبر کو شیرنی نے تین بچوں کو جنم دیا، جو مکمل صحت مند ہیں۔ چڑیا گھر کے ڈاکٹروں نے بچوں کا معائنہ کرکے انہیں صحت مند قرار دیا۔

ترجمان کے مطابق میئر کراچی نے ہدایت کی ہے کہ شیر کے بچوں کی خصوصی دیکھ بھال کی جائے اور فی الحال انہیں عوام کے سامنے پیش نہ کیا جائے۔ بچوں کو ڈاکٹروں کی اجازت کے بعد مرحلہ وار عوام کے سامنے دکھایا جائے گا۔

میئر کراچی مرتضیٰ وہاب نے کہا کہ یہ شہر اور جنگلی حیات سے محبت کرنے والوں کے لیے خوشی کی خبر ہے اور چڑیا گھر میں بہتری کے اقدامات کے مثبت نتائج سامنے آئے ہیں۔