پنجاب میں فضائی آلودگی بڑھ گئی،لاہور بدستور سب سے متاثرہ شہر

لاہور: پنجاب کے مختلف شہروں کی فضا بدستور آلودہ ہے اور لاہور سب سے زیادہ آلودگی کے ساتھ سرفہرست ہے۔ محکمہ ماحولیات پنجاب کی ویب سائٹ کے مطابق لاہور میں پارٹیکولیٹ میٹر کی سطح 444 ریکارڈ کی گئی۔

فیصل آباد میں 344 اور گوجرانوالہ میں 315 پارٹیکولیٹ میٹر ریکارڈ ہوئے۔ عالمی ماحولیاتی ویب سائٹ کے مطابق لاہور میں 220، گوجرانوالہ میں 495 اور فیصل آباد میں 435 پارٹیکولیٹ میٹر ریکارڈ کیے گئے۔

ماہرین نے عوام کو ہدایت کی ہے کہ وہ ماسک کا استعمال کریں اور غیر ضروری طور پر گھروں سے باہر نکلنے سے گریز کریں تاکہ صحت کے خطرات سے بچا جا سکے۔