پاکستان مخالف بیان،کینیڈا میں بھارتی وزیردفاع کیخلاف سکھوں کا احتجاج

کینیڈا میں سکھ کمیونٹی نے بھارت کے وزیر دفاع راج ناتھ سنگھ کے پاکستان سے متعلق بیان پر شدید ردِعمل ظاہر کرتے ہوئے بھارتی ہائی کمیشن کے باہر احتجاج کیا۔

مظاہرین نے پاکستان اور خالصتان کے جھنڈے اُٹھا رکھے تھے اور اس موقع پر مودی حکومت کی پالیسیوں کے خلاف نعرے بھی لگائے گئے۔ شرکاء نے کہا کہ بھارتی قیادت کو پاکستان کے صوبہ سندھ پر بیانات دینے کے بجائے اپنے ملک کی داخلی صورتحال پر توجہ دینی چاہیے۔

Breaking from Surrey: 🚨 🚨 🚨

Pro Khalistan Sikhs are protesting outsid Shri Lakshmi Narayan Mandir, this time in Surrey, BC Canada to confront Indian consulate employees who are utilizing these camps to organize assassination plots against Canadian Sikhs.

Consulate events… pic.twitter.com/y9Tuy7DB8L

— Inderjeet Singh (@Warrior9Singh) December 1, 2025

مظاہرے سے خطاب کرتے ہوئے سکھ رہنماؤں نے دعویٰ کیا کہ بھارت میں اقلیتوں کے حقوق مسلسل سلب کیے جا رہے ہیں، جس کے نتیجے میں ملک کے اندر بے چینی بڑھ رہی ہے۔ اُن کا کہنا تھا کہ بھارتی پنجاب میں خودمختاری کی تحریکیں زور پکڑ رہی ہیں اور مستقبل میں خالصتان کے قیام کی راہ ہموار ہوسکتی ہے۔

سکھ رہنماؤں نے عالمی برادری سے مطالبہ کیا کہ وہ بھارت میں انسانی حقوق کی صورتحال کا نوٹس لے اور اقلیتوں کے تحفظ کو یقینی بنانے میں کردار ادا کرے۔