بلوچستان،نئے تعلیمی سال کے لیے نصاب میں تبدیلی کا اعلان

 

کوئٹہ: بلوچستان کے محکمہ تعلیم نے نئے تعلیمی سال کے لیے نصاب میں تبدیلی کا اعلان کر دیا ہے۔

نئی ترتیب کے مطابق جماعت اول سے بارہویں تک ناظرہ قرآنِ مجید اور ترجمہ قرآنِ مجید کو نصاب کا باقاعدہ حصہ بنایا جائے گا۔

اس کے علاوہ چھٹی سے آٹھویں جماعت تک کمپیوٹر ایجوکیشن کی نئی کتابیں شامل کی جائیں گی۔

سوشل میڈیا کے مثبت اور ذمہ دارانہ استعمال کے فروغ کے لیے چھٹی سے بارہویں جماعت تک علیحدہ نصابی کتب بھی تیار کی گئی ہیں۔