امریکا میں ہفتے کے دوران موسم سرما کا تیسرا طوفان،فلائٹ آپریشن متاثر

 

 امریکا میں ایک ہفتے کے دوران موسم سرما کا تیسرا طوفان آگیا ہے۔

امریکی میڈیا کے مطابق سرد ہواؤں، بارشوں اور برفباری سے پنسلوینیا، ایلی نوائے، مشی گن اور الاسکا سمیت کئی ریاستیں متاثر ہوئی ہیں۔ ان ریاستوں میں نظام زندگی مفلوج ہو گیا اور کئی کئی انچ برف پڑنے سے شہری گھروں میں محصور ہیں۔

نیویارک میں کئی مقامات پر 3.5 انچ برف پڑ چکی ہے اور ہوائی اڈے پر کھڑے طیارے برف سے ڈھک گئے ہیں۔ خراب موسم کے باعث فلائٹ آپریشن بھی متاثر ہوا ہے۔

A busy day for the deicing crews at the Greater Rochester International Airport as heavy snow is sweeping through New York.

Some parts of upstate New York recorded over 3.5" of snow on Tuesday morning. #NYwx pic.twitter.com/AYHGtHy5wR

— WeatherNation (@WeatherNation) December 2, 2025

برف کے باعث پھسلن سے ریاست انڈیانا کی شاہراہ پر 40 سے زائد گاڑیاں آپس میں ٹکرا گئیں، جس کے بعد حکام نے عوام کو غیر ضروری سفر نہ کرنے کی ہدایت کی ہے۔

امریکی محکمہ موسمیات نے مزید بارش اور برفباری کی پیشگوئی کر دی ہے۔

دوسری جانب برطانیہ میں بھی آئندہ ہفتے شدید برف باری کی وارننگ جاری کی گئی ہے۔ 9 اور 10 دسمبر کو انگلینڈ اور اسکاٹ لینڈ کے مختلف علاقوں میں درجہ حرارت منفی 2 ڈگری تک گرنے اور برف باری کا امکان ہے۔