پنجاب بھر کی تمام ڈسٹرکٹ اور تحصیل بارز میں پولیس داخلے پر پابندی

پنجاب بھر کی تمام 43 ڈسٹرکٹ اور 170 تحصیل بارز میں پولیس کے داخلے پر پابندی عائد کر دی گئی ہے۔

پنجاب بار کونسل کے صدر نے وہاڑی اور جھنگ میں وکلا کے بہیمانہ قتل کے معاملے پر اپنے بیان میں کہا کہ صوبے بھر کی تمام ڈسٹرکٹ اور تحصیل بارز میں پولیس کا داخلہ بند رہے گا۔ انہوں نے مطالبہ کیا کہ ملزمان کے خلاف وکلا پروٹیکشن ایکٹ کے تحت مقدمہ درج کیا جائے۔

پنجاب بار کونسل کی اپیل پر ضلع کچہری میں وکلا کی ہڑتال آج بھی جاری ہے۔ صدر بار نے کہا کہ وکلا کے بائیکاٹ کے دوران کوئی عدالت کسی کے خلاف منفی آرڈر نہیں کرے گی۔

انہوں نے مزید کہا کہ دن ساڑھے 11 بجے بار کا احتجاجی اجلاس ہوگا اور وکلا کے قتل کے خلاف احتجاج کیا جائے گا۔