شدید دھند کے باعث موٹروے ایم 1 اور ایم 5 مختلف حصوں سے بند

شدید دھند اور محدود حدِ نگاہ کے سبب موٹروے ایم 1 (پشاور سے برہان) اور ایم 5 (ظاہر پیر سے اوچ شریف) کو عبوری طور پر بند کر دیا گیا ہے۔

موٹروے پولیس کے ترجمان کے مطابق دھند کی وجہ سے ڈرائیونگ خطرناک ہو گئی ہے اور شہریوں کو غیر ضروری سفر سے گریز کی ہدایت کی گئی ہے۔

پنجاب کے شہری علاقوں میں بھی دھند برقرار ہے، اور حال ہی میں لاہور کو 397 اے کیو آئی کے ساتھ صوبے کا سب سے آلودہ شہر قرار دیا گیا ہے۔

محکمہ ماحولیات پنجاب کے مطابق دیگر شہروں میں آلودگی کی سطح درج ذیل ہے:

• قصور: 368 اے کیو آئی

• مظفر گڑھ: 315 اے کیو آئی

• نارووال: 311 اے کیو آئی

• گوجرانوالہ: 308 اے کیو آئی

ماحولیاتی ویب سائٹ کے مطابق لاہور 194 اے کیو آئی کے ساتھ دنیا کے بڑے آلودہ شہروں میں چوتھے نمبر پر ہے۔