کوہاٹ:لاچی بازار میں فائرنگ، 4 افراد جاں بحق اور 2 زخمی

کوہاٹ کی تحصیل لاچی بازار میں دو مخالف گروپوں کے درمیان تصادم کے دوران فائرنگ کے نتیجے میں چار افراد جاں بحق اور دو شدید زخمی ہو گئے ہیں۔

واقعے کے فوری بعد ریسکیو ٹیمیں موقع پر پہنچیں اور زخمیوں اور لاشوں کو ڈی اے ہسپتال کوہاٹ منتقل کیا۔

ریسکیو حکام کے مطابق ہلاک ہونے والوں میں حسن، ظاہر، غفور اور مامور شامل ہیں، جبکہ زخمیوں کی حالت تشویشناک بتائی گئی ہے۔

پولیس کا کہنا ہے کہ یہ واقعہ بظاہر ذاتی دشمنی کا نتیجہ ہے۔ علاقے میں کشیدگی کے پیش نظر بھاری نفری تعینات کی گئی ہے اور فائرنگ میں ملوث افراد کی گرفتاری کے لیے سرچ آپریشن جاری ہے۔