افغان مہاجرین کی واپسی میں کبھی مخالفت نہیں کی،شوکت یوسفزئی

 

اسلام آباد: پاکستان تحریک انصاف کے رہنما شوکت یوسفزئی نے کہا ہے کہ افغان مہاجرین کو واپس بھیجنے کی کبھی مخالفت نہیں کی گئی اور حکومت ہمارے ساتھ افغان مہاجرین کی واپسی کے لیے شیڈول تیار کر رہی ہے۔

نجی ٹی وی سے گفتگو کرتے ہوئے شوکت یوسفزئی نے بتایا کہ افغان مہاجرین خود واپس جا رہے ہیں، تاہم سرحد پر راستے بند ہونے کی وجہ سے کئی دن لوگ بھوکے پیاسے پڑے رہتے ہیں، جس سے غلط پیغام جاتا ہے۔

انہوں نے کہا کہ افغان مہاجرین اپنی جائیدادیں فروخت کر رہے ہیں، اور بانی پی ٹی آئی کے سوشل میڈیا اکاؤنٹ کے بارے میں وہ لاعلم ہیں، جبکہ بیرسٹر گوہر بھی اس معاملے سے واقف نہیں ہیں۔

شوکت یوسفزئی نے مزید کہا کہ بیرون ملک بیٹھے لوگ بانی تحریک انصاف اور پارٹی کے نام پر اپنے کاروبار چمکا رہے ہیں۔