ایبٹ آباد، اغوا لیڈی ڈاکٹر تین دن بعد بھی بازیاب نہیں ہو سکی

ایبٹ آباد کے ڈسٹرکٹ ہسپتال کی مبینہ طور پر اغوا ہونے والی لیڈی ڈاکٹر تین دن بعد بھی بازیاب نہیں ہو سکی۔

ڈی ایچ کیو ہسپتال ایبٹ آباد کے ڈاکٹروں اور سٹاف کی جانب سے ڈاکٹر کے اغوا کے خلاف احتجاج شروع ہو گیا ہے، جس کے باعث مریضوں کو شدید مشکلات کا سامنا ہے۔ پراونشل ڈاکٹرز ایسوسی ایشن نے او پی ڈی اور الیکٹو سروسز کا بائیکاٹ جاری رکھا ہے، جس سے بے شمار مریض علاج معالجے کی بنیادی سہولت سے محروم ہیں۔

پولیس کے مطابق ڈاکٹر وردا مشتاق ہسپتال سے اپنی سہیلی ردا کے ہمراہ روانہ ہونے کے بعد لاپتہ ہو گئی تھیں۔ کیس کی تفتیش تھانہ کینٹ اور تھانہ میرپور کر رہا ہے۔ پولیس نے بتایا کہ ڈاکٹر وردا کی سہیلی ردا سمیت 4 افراد زیر حراست ہیں اور تفتیش جاری ہے۔