تحریک انتشار نے وہ کام کیا جو دشمن کرنا چاہتا تھا، عطا اللہ  تارڑ

لاہور: وفاقی وزیراطلاعات ونشریات عطا اللہ  تارڑ نے کہا ہے کہ تحریک انصاف نے ملک میں وہ کام کیا جو دشمن کرنا چاہتا تھا۔

صوبائی دارالحکومت کے علاقے شیر شاہ چوک میں ترقیاتی کاموں کی افتتاحی تقریب سے خطاب کرتے ہوئے عطا تارڑ کا کہنا تھا کہ مسلم لیگ(ن)کی قیادت عوامی خدمت کے لیے ہمیشہ مصروف عمل ہے،عوام سے ترقیاتی کاموں کا وعدہ کیا تھا، آج وفا کردیا۔

اُنہوں نے کہا کہ انتخابی مہم میں عوام سےکیےوعدے پورےکررہےہیں، مسلم لیگ(ن)کی قیادت عوامی خدمت کیلئے ہمیشہ سے مصروف عمل ہے، حلقےمیں بنیادی سہولتوں کےمنصوبے مکمل کیےجا رہے ہیں۔

وفاقی وزیر اطلاعات و نشریات کا کہنا تھا کہ ایک جماعت کی خیبرپختونخوا میں12سال سےحکومت ہے،اُنہوں نے خیبرپختونخوا کو کھنڈر بنا دیا، تحریک انتشار نے ایک ہسپتال بھی پی کےایل آئی جیسا نہیں بنایا۔

عطا تارڑ نے کہا کہ ملک کےہر بڑے منصوبے پر نوازشریف کی تختی لگی ہوئی ہے، آج اُنہوں نے پشاورمیں جلسہ کیا، عوام نے ریجیکٹ کر دیا، بانی پی ٹی آئی نے190ملین پاؤنڈ کا ڈاکہ ڈالا، بانی پی ٹی آئی ذہنی مریض ہیں۔

اُن کا کہنا تھا کہ ذہنی مریض ہسپتال اور فلاحی منصوبوں کے فنڈز تک کھا گیا، چیف آف ڈیفنس فورسزفیلڈ مارشل کا دشمن پرخوف طاری ہے، فیلڈ مارشل کی قیادت پاک فوج نےدشمن کے7طیارے گرائے تحریک انصاف کی بزدل حکومت نے بھارت کے خلاف کوئی آواز نہیں اٹھائی، پی ٹی آئی دور حکومت میں کشمیر اور فلسطین کا مسئلہ پس پشت ڈالا گیا۔

وفاقی وزیر اطلاعات ونشریات نے کہا کہ بانی پی ٹی آئی عمران خان ایک ذہنی مریض ہے، ان کی پارٹی والی کہتے ہیں کہ خان نہیں تو کچھ نہیں، ہم لعنت بھیجتے ہیں ایسی سوچ پر، کیوں کہ پاکستان نہیں تو کچھ نہیں۔

انھوں نے کہا کہ پی ٹی آئی کےسوشل میڈیا اکاؤنٹس ریاستی اداروں کےخلاف گمراہ کن پروپیگنڈے میں ملوث ہیں، پی ٹی آئی کوپاکستان کا مفاد عزیزنہیں، اُنہوں نے وہ کام کیا جو دشمن کرنا چاہتا تھا، 9مئی کوحساس اداروں پرحملے کیے، نو مئی کو تحریک انصاف اور10 مئی کوبھارت کوشکست ہوئی۔

عطا تارڑ کا مزید کہنا تھا اُنہوں نےآئی ایم ایف کوخط لکھا امداد مت دو، یہ کہتے ہیں خان نہیں توپاکستان نہیں، ہم ایسی سوچ پر ہزار بار لعنت بھیجتے ہیں، اِس کے بیانیہ کوشکست ہوگی۔

عطا تارڑ کا کہنا تھا کہ خیبر پختونخوا میں ایک جماعت کی ساڑھے 12 سال سے حکومت ہے اور وہ صوبے میں ایک بھی ترقیاتی کام نہیں کراسکی، صوبائی حکومت نے خیبر پختونخوا کو کھنڈر بنا دیا ہے تحریک انصاف کی حکومت اپنے صوبے میں ایک اسپتال بھی نہ بنا سکی جب کہ مسلم لیگ (ن) نے پنجاب میں فرانزک لیب جیسا بڑا منصوبہ بنایا اور بے شمار ترقیاتی کام کرائے۔

ان کا کہنا تھا کہ پشاور میں بزدار پلس پلس کی حکومت کا جلسہ عوام نے مسترد کر دیا، جیل میں قید ذہنی مریض نے 190 ملین پاؤنڈ کی میگا کرپشن کی ہے، اس شخص نے ملک کی معیشت کو تباہ کیا، یہ شخص اسپتال اور فلاحی منصوبوں کے فنڈز تک کھا گیا، معرکہ حق میں پاک فوج نے بھارت کو عبرتناک شکست دی، ہماری فوج سے بھارت خوف کھاتا ہے، چیف آف ڈیفنس فورسز فیلڈ مارشل سید عاصم منیر کا دشمن پر خوف طاری ہے۔

وزیر اطلاعات کا کہنا تھا کہ یہ وہ لوگ ہیں جنہوں نے اپنے دور حکومت میں بھارت پر حملہ کرنے کی جرأت بھی نہیں کی اور کشمیر کا مقدمہ بھی نہی لڑا اور یہ لوگ فوج پر الزامات لگاتے ہیں، ان کی بہنیں بھارتی میڈیا پر جاکر فوج پر الزامات لگاتی ہیں، ان کے بیانات بھارت اور افغانستان کے میڈیا پر چلتے ہیں، ثابت ہے کہ انہیں پاکستان کا مفاد عزیز نہیں یہ چاہتے ہیں ہمیشہ اقتدار میں رہیں اور ان سے پوچھا جاتا ہے کہ 190 ملین پاؤنڈ کی کرپشن کیوں کی، توشہ خان کا پوچھا جاتا ہے تو کہتے ہیں فوج بری ہے، یہ اپنی ناکامیاں چھپانے کے لیے فوج کو برا کہتے ہیں جس نے اپنی سے پانچ گنا بڑی بھارتی فوج کو شکست دے اس پر تنقید کرتے ہوئے انہیں شرم آنی چاہیے۔

وزیر اطلاعات نے کہا کہ نو مئی کو کور کمانڈر ہاؤس پر حملے کی ویڈیوز دیکھیں، ان کی بہنیں حملے میں موجود ہیں، انہوں ںے فوج کو کمزور کرنے کے لیے وہ کام کیا جو دشمن ہیں کرسکا، تحریک انصاف کی بزدل حکومت نے بھارت کے خلاف کوئی آواز نہیں اٹھائی، پی ٹی آئی کے سوشل میڈیا اکاؤنٹس ریاست کے اداروں کے خلاف گمراہ کن پروپیگنڈے میں ملوث ہیں۔