ایبٹ آباد میں لاپتہ لیڈی ڈاکٹر کی لاش چار دن بعد مل گئی

ایبٹ آباد میں لاپتہ لیڈی ڈاکٹر کی لاش چار دن بعد مل گئی۔  ڈاکٹر وردا نے اپنی سہیلی کے پاس 60 تولے سے زائد سونا رکھوایا تھا اور واپس لینے کے دوران لاپتہ ہوئی تھیں۔
4 دسمبر کو انہیں ڈسٹرکٹ ہیڈ کوارٹر اسپتال سے جاتے دیکھا گیا8 دسمبر کو ڈاکٹر وردا کی لاش لڑی بنوٹہ سے برآمد کر لی گئی ہے۔
پولیس کے مطابق بلے دی ہٹی کے افراد سمیت نو ملزمان کو حراست میں لے لیا گیا ہے۔لاش ملنے کے بعد ڈاکٹروں نے احتجاج شروع کردیا اور شاہراہ ریشم بلاک کردی۔ڈاکٹر وردا کا معاملہ پورے ایبٹ آباد میں پچھلے چند روز سے زیر بحث تھا۔

مغوی خاتون ڈاکٹر کے قتل کے خلاف شاہراہ ریشم پر احتجاج pic.twitter.com/AlS0Bq4drK

— Daily Ummat (@ummatdigitalpk) December 8, 2025

ذرائع کے مطابق ڈاکٹر وردا نے اپنی دوست ردا وحید کے پاس 67 تولہ سونا امانت کے طور پر رکھا ہوا تھا۔ والد کے مطابق بیٹی سونا واپس لینے گئی تھیں کہ اسی دوران لاپتا ہو گئیں۔ پولیس نے ابتدائی تحقیقات کے دوران سہیلی اور اس کے شوہر کو گرفتار کر لیا اور چار روز سے تفتیش جاری تھی۔

واقعے کے خلاف صوبائی ڈاکٹرز ایسوسی ایشن نے اسپتال میں ہڑتال اور احتجاج کا اعلان کیا اور مظاہرین نے شاہراہ ریشم کو ہر قسم کےٹریفک کے لیے بند کر دیا۔ مظاہرین نے مطالبہ کیا کہ واقعے کی جوڈیشل انکوائری کی جائے، ملزمان کے خلاف دہشت گردی ایکٹ کے تحت مقدمہ درج کیا جائے اور ڈی پی او سمیت تمام پولیس عملہ کو معطل کیا جائے۔

ڈاکٹرز ایسوسی ایشن نے کہا کہ عوام کی جان و مال کے تحفظ میں پی ٹی آئی حکومت مکمل ناکام ہو چکی ہے اور ایسے سنگین واقعات کے تدارک کے لیے فوری اور سخت اقدامات کی ضرورت ہے۔

پولیس حکام کا کہنا ہے کہ قاتلوں کی گرفتاری کے لیے تحقیقات جاری ہیں اور ملزمان سے مزید شواہد و معلومات حاصل کی جا رہی ہیں۔

ذرائع کے مطابق ڈاکٹر وردا نے اپنی دوست زوجہ وحید کے پاس 67 تولہ سونا امانت کے طور پر رکھا ہوا تھا۔ والد کے مطابق بیٹی سونا واپس لینے گئی تھیں کہ اسی دوران لاپتا ہو گئیں۔ پولیس نے ابتدائی تحقیقات کے دوران سہیلی اور اس کے شوہر کو گرفتار کر کے تفتیش شروع کر دی ہے۔