جسٹس طارق جہانگیری ہائیکورٹ کارروائی کو وفاقی آئینی عدالت میں چیلنج کریں گے

اسلام آباد: جسٹس طارق جہانگیری کے ڈگری کیس میں اہم پیش رفت سامنے آئی ہے۔

جسٹس طارق جہانگیری نے ہائیکورٹ میں کیس کی سماعت کی کارروائی کو وفاقی آئینی عدالت میں چیلنج کرنے کا فیصلہ کیا ہے اور اس سلسلے میں تین سینئر وکلا پر مشتمل قانونی ٹیم تشکیل دے دی ہے۔

ایڈووکیٹ اکرم شیخ اور بیرسٹر صلاح الدین ہائیکورٹ میں کیس کی پیروی کریں گے، جبکہ عزیر بھنڈاری وفاقی آئینی عدالت میں جسٹس طارق جہانگیری کی طرف سے کیس کی پیروی کریں گے۔ آج کیس کی سماعت کے قابل ہونے کے فیصلے کو وفاقی آئینی عدالت میں چیلنج کیا جائے گا۔

جسٹس طارق جہانگیری کی جانب سے اسلام آباد ہائیکورٹ کے آرڈر کے خلاف اپیل دائر کی جائے گی اور ہائیکورٹ میں بھی متعلقہ درخواستیں پیش کی جائیں گی۔