مونگ پھلی تنازعہ،ریڑھی بان قتل،بھائی زخمی

گزشتہ روز سمندری روڈ پر مونگ پھلی کا ٹھیلا لگانے والے دو بھائیوں کا ایک گاہک کے ساتھ معمولی بات پر جھگڑا ہوا۔ تلخ کلامی بڑھنے پر مشتعل گاہک نے آپے سے باہر ہو کر سیدھی فائرنگ کر دی۔ فائرنگ کے نتیجے میں اسماعیل خان گولی لگنے سے موقع پر ہی جاں بحق ہو گیا جبکہ اس کا دوسرا بھائی شدید زخمی ہو گیا۔

 زخمی بھائی کو فوری طور پر الائیڈ ہسپتال ٹو منتقل کر دیا گیا ہے جہاں اس کی حالت تشویشناک بتائی جا رہی ہے۔ پولیس نے مقتول کی لاش کو پوسٹ مارٹم کے لیے منتقل کر کے قانونی کارروائی کا آغاز کر دیا ہے۔

مقتول کے ورثاء اور علاقہ مکینوں کی بڑی تعداد نے تھانہ بٹالہ کالونی کے باہر جمع ہو کر پولیس کی مبینہ سستی کے خلاف شدید نعرے بازی کی۔ مظاہرین کا کہنا ہے کہ پولیس ملزمان کو گرفتار کرنے میں ناکام رہی ہے۔ مظاہرین نے عزم ظاہر کیا کہ:

> "جب تک ملزمان کی گرفتاری عمل میں نہیں آتی، ہمارا احتجاج اور دھرنا جاری رہے گا۔”