صدر مملکت کا عراق جاتے ہوئے دورانِ پرواز ایران سے یکجہتی کا اظہار

صدر مملکت آصف علی زرداری نے عراق جاتے ہوئے دورانِ پرواز برادر اسلامی ملک ایران سے یکجہتی کا اظہار کیا ۔ایوان صدر کے پریس ونگ سے جاری بیان کے مطابق اسلام آباد سے بغداد جاتے ہوئے جب صدرِ مملکت کا طیارہ ایرانی فضائی حدود میں داخل ہوا تو صدرِ پاکستان نے ایرانی قیادت کے لیے خیرسگالی کا پیغام بھجوایا۔

یہ پیغام ایرانی سپریم لیڈر اور صدرِ ایران کے نام ارسال کیا گیا  ۔صدرِ مملکت نے خطے میں باہمی احترام، امن اور دوطرفہ تعلقات کے فروغ پر زور دیا ۔