مسلم لیگ (ن) کے ایم پی اے عرفان شفیع کھوکھر انتقال کرگئے

لاہور: مسلم لیگ (ن) کے ایم پی اے ملک عرفان شفیع کھوکھر دل کا دورہ پڑنے سے انتقال کرگئے۔

بتایا جاتا ہے کہ انہیں ہارٹ اٹیک ہونے پر لاہور کے نجی ہسپتال لے جایا گیا لیکن وہ جانبر نہ ہوسکے۔

وہ وزیر کھیل ملک فیصل کھوکھر کے کزن اور لیگی ایم این ایز اور نواز شریف کے قریبی رفقاء ملک افضل کھوکھر اور ملک سیف الملوک کھوکھر کے بھتیجے تھے۔

وزیراعظم  شہباز شریف نے عرفان شفیع کھوکھر کے انتقال پر گہرے دکھ اور رنج کا اظہار کیا ہے۔