وزیر اعظم شہباز شریف انڈر 19 ٹیم کو ایشیا کپ کی فتح پر ظہرانہ دیں گے

اسلام آباد: وزیر اعظم شہباز شریف نے قومی انڈر 19 کرکٹ ٹیم کو بھارت کے خلاف ایشیا کپ میں شاندار فتح پر ظہرانے پر مدعو کیا ہے۔ اس موقع پر ٹیم کے تمام کھلاڑی اور کوچنگ اسٹاف شریک ہوں گے، جبکہ شاندار کارکردگی دکھانے والے کھلاڑی سمیر منہاس کو خصوصی انعام سے نوازا جائے گا۔

قومی انڈر 19 ٹیم نے گزشتہ روز فائنل میچ میں روایتی حریف بھارت کو 191 رنز کے بھاری مارجن سے شکست دی تھی۔ فاتح ٹیم اتوار اور پیر کی درمیانی شب وطن واپس پہنچی، جہاں نوجوان شاہینوں کا شاندار اور پرجوش استقبال کیا گیا۔

یاد رہے کہ پاکستان کرکٹ بورڈ کے چیئرمین محسن نقوی نے بھی قومی انڈر 19 ٹیم کے ہر کھلاڑی کو 50 لاکھ روپے انعام دینے کا اعلان کیا ہے، جو ٹیم کی شاندار کارکردگی کا اعتراف ہے۔ یہ ظہرانہ نوجوان کھلاڑیوں کی کامیابی کی حوصلہ افزائی اور قومی سطح پر پذیرائی کے طور پر منعقد کیا جا رہا ہے۔