کراچی:دن کے اوقات میں ڈمپروں اور ہیوی ٹریفک کے داخلے پر پابندی

کراچی میں ڈمپروں اور دیگر ہیوی ٹریفک کے دن کے اوقات میں شہر میں داخلے پر پابندی عائد کر دی گئی ہے۔ حکام کے جاری کردہ نوٹیفکیشن کے مطابق صبح 6 بجے سے رات 10 بجے تک ہیوی ٹریفک کو شہر میں داخل ہونے کی اجازت نہیں ہوگی۔ یہ پابندی اگلے 2 ماہ تک نافذ رہے گی۔

نوٹیفکیشن کے مطابق ہیوی ٹریفک سپرہائی وے کے ذریعے نیو کراچی انڈسٹریل ایریا تک جا سکے گی۔ اسی طرح نیشنل ہائی وے سے گودام چورنگی، یونس چورنگی اور داؤد چورنگی سے جام صادق برج تک ہیوی ٹریفک کی آمدورفت کی اجازت ہوگی۔

مزید برآں، ناردن بائی پاس سے پراچہ چوک، سیمنز چورنگی، ناردن بائی پاس سے گلبائی، ماڑی پور سے کراچی پورٹ، اور لنک روڈ کاٹھور سے سسی ٹول پلازہ تک ہیوی ٹریفک کی آمدورفت کے لیے خصوصی راستے مختص کیے گئے ہیں تاکہ شہریوں اور ٹریفک کی روانی متاثر نہ ہو۔