صدر زرداری کی کربلا میں روضہ امام حسینؓ پر حاضری،فاتحہ خوانی اور دعا

صدر مملکت آصف علی زرداری نے کربلا میں روضہ حضرت امام حسینؓ اور حضرت عباسؓ پر حاضری دی اور فاتحہ خوانی کے ساتھ نوافل ادا کیے۔ اس موقع پر گورنر کربلا ڈاکٹر نصیف جاسم الخطابی بھی ان کے ہمراہ تھے۔

صدر زرداری نے حضرت امام حسینؓ کی قربانی کو حق، عدل اور استقامت کی علامت قرار دیتے ہوئے امت مسلمہ کے امن، اتحاد اور سلامتی کے لیے دعا کی۔

انہوں نے دونوں مزارات کے منتظمین اور مبلغین سے ملاقات کی اور امام حسینؓ کی تعلیمات کو انسانیت کے لیے رہنما قرار دیا۔