مسجد نبوی میں بے نظیر بھٹو نے مجھے اپنا بھائی بنایا تھا،کامران ٹیسوری

گورنر سندھ کامران ٹیسوری نے شہید بینظیر بھٹو کو یاد کرتے ہوئے بتایا کہ سعودی عرب کے دورے کے دوران مسجد نبویﷺ میں بے نظیر بھٹو نے انہیں اپنا بھائی بنایا تھا۔ انہوں نے کہا کہ وہ آج بھی بی بی کو بہن کی حیثیت سے عزت اور احترام دیتے ہیں۔

کامران ٹیسوری نے بتایا کہ دبئی میں ایک پاکستانی بزنس مین کے ذریعے انہیں بے نظیر بھٹو سے ملاقات کا موقع ملا۔ اس ملاقات کے دوران انہوں نے بی بی سے وعدہ کیا کہ 15 روز میں پاسپورٹ دلائیں گے، جو 13 روز میں مکمل کیا گیا۔ وطن واپسی پر سب سے پہلے بے نظیر بھٹو نے ہی انہیں فون کال کی تھی۔

گورنر سندھ نے مزید کہا کہ اجمیر شریف اور لندن کے دوروں میں بھی بے نظیر بھٹو نے ان کے ساتھ رہ کر بھرپور تعاون کیا، اور ان کی سالگرہ پر بی بی نے انہیں قیمتی کفلنگ کا تحفہ دیا۔ کامران ٹیسوری نے شہید بی بی کی شخصیت اور ان کے تعاون کو ہمیشہ یاد رکھا اور خراج عقیدت پیش کیا۔