وزیر اعلیٰ خیبر پختونخوا سہیل آفریدی شاہ محمود قریشی کے گھر پہنچ گئے

پشاور: وزیر اعلیٰ خیبر پختونخوا سہیل آفریدی پی ٹی آئی کے سینئر رہنما شاہ محمود قریشی کے گھر پہنچ گئے، جہاں ان کا پرتپاک استقبال کیا گیا۔ شاہ محمود قریشی کے بیٹے زین قریشی نے وزیر اعلیٰ کو اجرک پہنا کر خوش آمدید کہا، جبکہ بیٹی مہربانو قریشی بھی زین قریشی کے ہمراہ موجود تھیں۔

ذرائع کے مطابق وزیر اعلیٰ سہیل آفریدی پی ٹی آئی کے دیگر رہنماؤں سے بھی ملاقات کریں گے اور صوبے میں سیاسی امور پر تبادلہ خیال کریں گے۔

🚨 شاہ محمود قریشی کے گھر تحریک انصاف کی بیٹھک، زین قریشی، مہربانو قریشی بھی موجود، سہیل آفریدی نے شاہ محمود قریشی کی اہلیہ سے بھی ملاقات کی۔ pic.twitter.com/eWoeBQPNIs

— Harmeet Singh (@HarmeetSinghPk) December 27, 2025

وزیر اعلیٰ آج ایک بجے لاہور ہائیکورٹ میں وکلاء سے خطاب کریں گے، شام 5 بجے زمان پارک جائیں گے، جبکہ شام 7 بجے محمود رشید، مرحوم ظل شاہ اور دیگر پارٹی رہنماؤں کے گھروں کا دورہ کریں گے۔

اس موقع پر پارٹی رہنماؤں اور اہل خانہ کے درمیان خوشگوار ماحول میں سیاسی تعلقات اور آئندہ حکمت عملی پر بات چیت کی گئی۔