فلسطینیوں کی بے دخلی ناقابل قبول،پاکستان۔صومالی لینڈ تسلیم کرنے کااسرائیلی اعلان مسترد

پاکستان نے صومالی لینڈ کو تسلیم کرنےکا اسرائیلی اعلان مسترد کرتے ہوئے فلسطینی عوام کی کسی بھی بے دخلی کی کوشش کو ناقابل قبول قرار دیا ہے۔

پاکستانی نائب مندوب عثمان جدون نے سلامتی کونسل کے ہنگامی اجلاس سے خطاب کرتے ہوئے کہاکہ اسرائیل غزہ سے فلسطینیوں کو دربدر کرکے صومالی لینڈ بھیجنا چاہتا ہے۔

مزید پڑھیں: امریکہ نے صومالی لینڈپر عالمی ردعمل کو فلسطینی ریاست کے لیے دنیاکی ہمدردی سے جوڑدیا

عثمان جدون کا کہنا تھا کہ پاکستان فلسطینی عوام کی بے دخلی کی کسی بھی کوشش کو مسترد کرتا ہے، انہوں نے عالمی برداری سے مطالبہ کیاکہ فلسطین کا معاملہ اقوام متحدہ کی قرارداد کے مطابق دو ریاستی حل کے ذریعے حل کروایا جائے۔انہوں نے سلامتی کونسل کو بتایاکہ صومالی حکومت ملکی استحکام کے اقدامات کررہی ہے لیکن اسرائیلی رویہ غیر ذمہ دارنہ اور خطے میں عدم استحکام پیدا کرنے کی کوشش ہے ۔

مزید پڑھیں: صومالی لینڈکو اسرائیلی فوجی اڈہ بنانے،غزہ سے فلسطینیوں کی منتقلی کابھی منصوبہ

پاکستانی سفارت کارنے واضح کیاکہ یہ اقدام بین الاقوامی قوانین کی کھلی خلاف ورزی ہے، صومایہ کی خودمختاری اور سالمیت کی مکمل حمایت کرتے ہیں۔

یاد رہے کہ اسرائیل نے چندروزقبل خود ساختہ جمہوریہ صومالی لینڈ کو آزاد اور خود مختار ریاست کے طور پر باضابطہ تسلیم کرنےکا اعلان کیا تھا۔اسرائیل ’صومالی لینڈ‘ کو تسلیم کرنے والا پہلا ملک بن گیا ۔اس ریاست  کو ابھی تک کسی بھی ملک نے تسلیم نہیں کیا،

تمام مسلمان ملکوں، بشمول اوآئی سی ،نے اسرائیلی اقدام کو مسترد کرتے ہوئے اس پر شدید تشویش کا اظہار کیا ہے۔