نئے سال کے موقع پر پٹرولیم مصنوعات کی قیمتوں میں بڑی کمی کا امکان

ذرائع وزارت خزانہ کے مطابق نئے سال کے آغاز پر عوام کو ریلیف دینے کے لیے پٹرولیم مصنوعات کی قیمتوں میں کمی کا امکان ہے۔ ابتدائی ورکنگ پیپر کے مطابق پٹرول کی قیمت میں یکم جنوری سے فی لیٹر 10 روپے 60 پیسے تک کمی تجویز کی گئی ہے۔

اسی طرح ہائی سپیڈ ڈیزل کی قیمت میں 8 روپے 59 پیسے، مٹی کے تیل کی قیمت میں 9 روپے اور لائٹ ڈیزل کی قیمت میں 6 روپے 62 پیسے فی لیٹر کمی کی سفارش کی گئی ہے۔ اوگرا کل ورکنگ پیپر حکومت کو بھجوائے گا، جس کے بعد وزارت خزانہ ریونیو اور ضروریات کو مدنظر رکھتے ہوئے حتمی فیصلہ کرے گی۔

حکومت نے واضح کیا ہے کہ لیوی یا دیگر ٹیکسز میں اضافہ نہ کیا گیا تو نئے سال پر عوام کو ریلیف ملے گا۔ حتمی نوٹیفکیشن وزارت پٹرولیم کی جانب سے جاری کیا جائے گا۔