سال 2026 کے لیے سرکاری تعطیلات کا مکمل شیڈول جاری

حکومتِ پاکستان نے سال 2026 کے لیے سرکاری تعطیلات کا مکمل شیڈول جاری کر دیا ہے۔ ملک بھر میں قومی، مذہبی اور بینک تعطیلات شامل ہوں گی، جس کے مطابق شہری اور ملازمین اپنے نئے سال کی تعطیلات کی منصوبہ بندی کر سکتے ہیں۔

معلومات کے مطابق سال 2026 میں تقریباً 17 سرکاری تعطیلات ہوں گی، جن میں یومِ کشمیر، عید الفطر، یومِ پاکستان، یومِ مزدور، عید الاضحیٰ، یومِ آزادی، عید میلاد النبی ﷺ، یومِ اقبال، قائدِ اعظم ڈے اور کرسمس شامل ہیں۔

اہم تعطیلات کا خلاصہ درج ذیل ہے:

• 5 فروری (جمعرات): یومِ کشمیر
• 21 تا 23 مارچ (ہفتہ تا پیر): عیدِ الفطر
• 23 مارچ (سوموار): یومِ پاکستان
• 1 مئی (جمعہ): یومِ مزدور
• 27 تا 28 مئی: عید الاضحیٰ
• 28 مئی (جمعرات): یومِ تکبیر
• 25 تا 26 جون: عاشورہ
• 14 اگست (جمعہ): یومِ آزادی
• 25 اگست (منگل): عید میلاد النبی ﷺ
• 9 نومبر (پیر): یومِ اقبال
• 25 دسمبر (جمعہ): قائدِ اعظم ڈے اور کرسمس
• 26 دسمبر (ہفتہ): کرسمس کے بعد چھٹی (صرف مسیحی ملازمین کے لیے)

ماہرین کا کہنا ہے کہ بعض مذہبی تعطیلات چاند کی رویت پر منحصر ہونے کے باعث تاریخوں میں معمولی تبدیلیاں متوقع ہیں، لہٰذا شہریوں اور دفاتر کو ہدایت دی گئی ہے کہ حتمی سرکاری نوٹیفیکیشن کے بعد اپنی تعطیلات کی منصوبہ بندی کو حتمی شکل دیں۔