راجہ ناصر عباس کا ایران اور پاکستان میں مظاہروں پر موقف وائرل

 

سماجی رابطوں کی ویب سائٹ ایکس پر ایک ویڈیو وائرل ہو رہی ہے جس میں راجہ ناصر عباس نے ایران اور پاکستان میں جاری مظاہروں پر اپنا موقف پیش کیا۔

ویڈیو میں راجہ ناصر عباس کہتے ہیں کہ ایران میں جلاؤ گھیراؤ، بینک لوٹنا اور سڑکیں بند کرنا حرام ہے اور ان مظاہروں کے خلاف ہیں۔ تاہم، پاکستان میں سڑکیں بند کرنا، ٹائر جلانا، گندگی پھیلانا اور عوام کو تکلیف پہنچانا، حتیٰ کہ نو مئی جیسے پُرتشدد مظاہرے کرنا، اُن کے مطابق قانونی اور جائز حق ہے۔

راجہ ناصر عباس نے مزید کہا کہ حقوق کے لیے مظاہرے کرنے میں کوئی حرج نہیں، لیکن گولیاں مارنا، قتل و غارت گری کرنا، گھروں کو جلانا یا بینک لوٹنا کسی مظاہرے کا حصہ نہیں ہو سکتا اور وہ اس کے مخالف ہیں۔

ویڈیو میں اُن کا موقف واضح طور پر ایران اور پاکستان میں مظاہروں کے فرق کو اجاگر کرتا نظر آ رہا ہے۔