پیپلز پارٹی نے قومی اسمبلی بائیکاٹ ختم کر دیا،آج اجلاس میں شرکت

 اسلام آباد: پاکستان پیپلز پارٹی نے قومی اسمبلی کا بائیکاٹ ختم کرنے کا فیصلہ کیا ہے اور آج اجلاس میں شرکت کرے گی۔

یاد رہے کہ گزشتہ روز پیپلز پارٹی نے صدر مملکت کی منظوری کے بغیر جاری ہونے والے آرڈیننس پر احتجاج کرتے ہوئے اجلاس کا بائیکاٹ کیا تھا۔

وفاقی حکومت کے ذرائع کے مطابق سپیشل اکنامک زونز آرڈیننس کو دیگر بلز اور ایک آرڈیننس کے ساتھ ایوان صدر کو بھجوایا گیا تھا، اور ای آفس کے ذریعے منظوری دی گئی۔

تاہم آرڈیننس پر صدر کے دستخط موجود نہیں تھے، جس کے بعد وفاقی حکومت نے اسے واپس لے لیا۔

اب مذکورہ آرڈیننس بل کی صورت میں پارلیمنٹ میں پیش کیا جائے گا۔