مریم نواز کے بیٹے جنید صفدر کی دوسری شادی کا کارڈ وائرل

لاہور: وزیراعلیٰ پنجاب مریم نواز اور کیپٹن (ر) صفدر کے بیٹے جنید صفدر کی دوسری شادی کا کارڈ سوشل میڈیا پر وائرل ہو گیا ہے۔ شادی کارڈ کے مطابق ولیمہ کی تقریب 18 جنوری 2026 کو جاتی امرا میں منعقد ہوگی۔

ذرائع کے مطابق سابق وزیراعظم نواز شریف بھی دسمبر میں اپنے نواسے جنید صفدر کی شادی کے سلسلے میں مریم نواز کے ہمراہ دبئی روانہ ہوئے تھے۔

واضح رہے کہ گزشتہ کچھ عرصے سے جنید صفدر کی شادی کی تیاریوں کے حوالے سے خبریں سامنے آ رہی تھیں۔ جنید صفدر کی ہونے والی اہلیہ شانزے شیخ روحیل اصغر کی پوتی ہیں۔ شیخ روحیل اصغر نے بتایا کہ دلہا اور دلہن کی مہندی کی تقریب جاتی امرا میں ہوگی، بارات لیک سٹی میں ہوگی جبکہ ولیمہ بھی جاتی امرا میں منعقد ہوگا۔

یاد رہے کہ جنید صفدر کی اس سے قبل شادی معروف کاروباری شخصیت سیف الرحمان کی صاحبزادی سے ہوئی تھی، جو اکتوبر 2023 میں طلاق پر ختم ہوئی تھی۔