راولپنڈی:ڈمپر کی ٹکر سے موٹرسائیکل سوار لڑکی جاں بحق، والد شدید زخمی

راولپنڈی: ڈھوک سیداں روڈ پر ایک ڈمپر کی ٹکر سے موٹرسائیکل سوار لڑکی جاں بحق اور اس کا والد شدید زخمی ہوگیا۔ جاں بحق لڑکی کی شناخت کائنات اور والد کا نام عطر خان بتایا گیا ہے۔ حادثے کے بعد ڈمپر کا ڈرائیور موقع چھوڑ کر فرار ہوگیا، تاہم پولیس نے اسے گرفتار کر لیا۔

حادثے میں دوسری موٹر سائیکل پر سوار ایک شخص بھی شدید زخمی ہوا۔ زخمیوں اور لاش کو فوری طور پر ڈی ایچ کیو ہسپتال منتقل کیا گیا۔

دوسری جانب، راولپنڈی کے تھانہ ریس کورس کے علاقے قائد آباد میں 10 سالہ بچے کو کھیل کے دوران سر میں گولی لگنے سے شدید زخمی حالت میں ہسپتال منتقل کیا گیا۔ پولیس کے مطابق بچے کے گھر سے نکالی گئی پستول سے اچانک فائرنگ ہوئی، جس سے بچہ شدید زخمی ہوا۔ زخمی بچے کو انتہائی تشویشناک حالت میں پمز اسپتال اسلام آباد منتقل کر دیا گیا۔

پولیس نے بتایا کہ زخمی بچہ ہمسائے کے گھر نماز پڑھنے گیا تھا اور پڑوسی کے ساتھ کھیلتے ہوئے حادثے کا شکار ہوا۔