ٹریفک پولیس موبائل ایپ کے ذریعے ای چالان کی تیاری

کراچی: سیف سٹی کیمروں کے ذریعے ای چالان کے بعد اب کراچی میں ٹریفک پولیس موبائل فون کی خصوصی ایپ کے ذریعے بھی ای چالان جاری کرنے جا رہی ہے۔ پولیس حکام کے مطابق اس سلسلے میں ایک خصوصی ایپ تیار کر لی گئی ہے اور جلد تجرباتی طور پر کام شروع کیا جائے گا۔

حکام کے مطابق یہ ایپ کراچی کے مجاز پولیس افسران کے ذاتی موبائل فون میں ڈاؤن لوڈ کی جائے گی۔ افسران ڈیوٹی کے دوران اپنے علاقے میں کسی بھی گاڑی کی ٹریفک قوانین کی خلاف ورزی دیکھیں گے تو وہ ایپ کے ذریعے اس کی تصویر بنائیں گے۔

پولیس حکام کے مطابق خودکار سسٹم کے تحت یہ تصویر ٹریفک پولیس کے ای چالاننگ افسر تک جائے گی جو اس خلاف ورزی کا ای چالان جاری کرے گا۔ اس چالان میں ٹریفک پولیس افسر کی بھی نشاندہی شامل ہوگی۔