فیض حمید کے بھائی کی ضمانت منسوخی کیس،سماعت 24 فروری تک ملتوی

اسلام آباد: اسپیشل جج سینٹرل شاہ رخ ارجمند نے فیض حمید کے بھائی نجف حمید کی ضمانت منسوخی کی درخواست پر سماعت 24 فروری تک ملتوی کر دی ہے۔

نجف حمید کی جانب سے معاون وکیل عدالت میں پیش ہوئے اور عدالت نے درخواست کی کاپی وکلاء کو فراہم کرنے کی ہدایت کی۔

معاون وکیل نے دلائل کے لیے وقت کی استدعا کی، جس پر عدالت نے سماعت ملتوی کر دی۔

واضح رہے کہ نجف حمید کی ضمانت پہلے عدالت نے صلح کی بنیاد پر منظور کی تھی۔